Lasi mese neu Indonesia anbi tabu i esle aof tatuf anpakas (stunting). Penit nako aof palolit neu aof tauf anbi pah pinan (WHO) anbi ton nifu nuam boesam fanu (2018) anah le anpakas batis botenum pisa fanu (30,8%). Aof tauf monit le anpakas nane ka lasi ana fa. Penit nako Bank Dunia natiaba lukit nao natuin men pakas talan te batis teun neo boesam mese (3-11%). Nok penit in anaen anbi ton nifu nuam boesam nim lapeo te,an bian boesam mese (11 Triliun) lukit nao natuin men pakas anbi Indonesia lapeo te,an bian natun tenu talante tean bian nifun mese natun nuam boes (300 triliun – 1.210 triliun). Anbi ton nifun nua bonuam mese (2021) propinsi teun le napeni men pakas (stunting) am faun es le propinsi NTT batis botenum hitum pisa fanu (37,8%), Sulawesi Barat (33,8%), Aceh (33,2%).

Lukit anaek natuin men pakas talante ana aplenat napoitan noni an nesi neo palolit aof tauf to Indonesia nao natuin Jaminan Kesehatan Nasional le an matom nok menas le ka nanani es le menas antom tekan (Jantung), mena sletu (Stroke), mi liti (Diabetes), ma akin nam leu (Gagal Ginjal). Li ana le antoman men pakas (stunting), li ana le napeni men pakas leka nanae in mes an pok mes of napeni menas le ka nanani fa, es le tekan nam leu, menasletu, an mi liti . Menas pakas neki ekat ma tuas talante tog lekan mepu na beif a ansae piut ma amfaun, ma to ameput abeit an sanu piut. Men pakas in am nekin am sa es le tenab ma hinet ansanu poin nim talante boesam mese (5-11 poin).